Kryeministri Edi Rama ka bërë batuta me presidentin Emmanuel Macron në forumin ndërkombëtar ekononomik që po mbahet në Tiranë, teksa u shpreh se studentët francezë që vijnë në Shqipëri nuk duan të largohen, por kërkojnë të punojnë në vendin tonë.
“Emmanuel s’është i lumtur ta dëgjojë”, tha kreu i qeverisë, duke shtuar se “shpresoj që opozita s’do t’ju fajësojë që ju jeni shkaku”.
Rama në këtë forum foli edhe për çeljen e degës së kolegjit Kolegjit të Europës në Tiranë, të cilin e ka konsideruar si vendim i jashtëzakonshëm.
‘Dua t’ju them që ndoshta Emmanuel nuk është i lumtur ta dëgjojë. Falë ndihmës së tij dhe disa udhëheqësve të tjerë kemi çelur degën e Kolegjit të Europës në Tiranë, vendim i jashtëzakonshëm.
Kemi studentë nga e gjithë Europa dhe dua të qëndrojnë e punojnë këtu, s’dua të shkojnë më në Francë Emmanuel. Shpresoj fort që opozita nuk do t’ju fajësojë që ju jeni shkaku që ata duan të rrinë në Tiranë nga fakti që keni ardhur kaq shpesh këtu.
Dua të iki nga ky podium sepse është dikush tjetër se di çfarë të thotë e të bëj, e vetmja gjë që mendoj e bëj shumë mirë është ti qëndroj pranë këtij njeriu, të mësoj prej tij dhe të përfitoj nga miqësia e tij sa më shumë për Shqipërinë. Të ndihem vërtet mirë që drejtoj këtë vend në një moment në kohë kur Emmanuel drejton vendin e tij’, tha Rama.
