Reperi i njohur Eminem është një prej artistëve, i cili e ka shprehur hapur ‘urrejtjen’ e tij ndaj Presidentit të SHBA-së, Donald Trump dhe familjarëve të tij.
Sipas mediave të huaja që prej vitit 2018 ai është marrë në pyetje nga Shërbimi Sekret Amerikan për shkak të disa vargjeve kërcënuese ndaj Ivanka Trump në këngën e tij, “Framed” e publikuar në 2017 ku thotë:
“Si dreqin Ivanka Trump ndodhet në bagazhin e makinës sime?Duhet të shkoj ta zgjidh atë? Unë ndihem disi përgjegjës për memecen bionde të vogël…Vajzën e hodha në pellg, Vrasja e dytë pa e kujtuar atë”.
Nuk ka qenë hera e parë që reperi i njohur ka përdorur një gjuhë të tillë kërcënuese kundër Trump dhe familjes së tij, pasi në një nga intervistat ai është shprehur se Trump e bënte gjakun e tij të ziejë.
Agjentët, të cilët i kanë analizuar vargjet e këngës së reperit i kanë quajtur si kërcënuese dhe sjelljen e Eminem të papërshtatshme. Por ndaj tij nuk u mor asnjë masë dhe u la i lirë./Opinion.al/
