Kryeministri britanik Rishi Sunak është gati të nxjerrë Britaninë e Madhe nga Konventa Evropiane për të Drejtat e Njeriut nëse kjo është e vetmja mënyrë që ai mund të ndalojë fluksin e gomoneve që transportojnë emigrantë të paligjshëm në kanalin e La Manshit.
Sipas Daily Mail, Sunak po përgatitet për lëvizjen ekstreme pasi ka raportime se 65,000 persona mund të ndërmerrnin udhëtimin e rrezikshëm këtë vit, një rritje prej 50% krahasuar me rekordin e vendosur në 2022.
Teksa ka shënuar 100 ditët e tij të para në detyrë si kryeministër, Sunak i tha në një intervistë Piers Morgan se projekti i tij për rishikimin e sistemit të emigracionit do të bënte që kërkesat për azil të zgjidhen brenda disa ‘ditëve ose javëve’.
Sunday Times raportoi se ai ishte i përgatitur të miratonte legjislacionin vendas dhe më pas të guxonte në GJEDNJ në Strasburg. Megjithatë, një lëvizje e tillë mund të krijojë një debat të madh me laburistët dhe konservatorët.
Sekretari i biznesit Grant Shapps i tha Sky Neës: “Ajo që nuk mund të kemi është që varkat të mbërrijnë këtu me banda ilegale që trafikojnë njerëz. Pra, Rishi ka absolutisht të drejtë që zbaton forcën e plotë të ligjit për të ndaluar trafikimin e qënieve njerëzore.
Ministrat e kanë bërë prioritet kryesor ndalimin e emigrantëve të paligjshëm që mbërrijnë në Britani përmes Kanalit, me deputetët konservatorë që paralajmërojnë se dështimi për të marrë kontrollin do të jetë katastrofik në zgjedhjet e ardhshme.
Ata po hartojnë plane për të bllokuar emigrantët.
Kryeministri Rishi Sunak ka deklaruar se tashmë qeveria synon të ndalojë automatikisht emigrantët që të kërkojnë azil si pjesë e premtimit të tij për të ‘ndaluar varkat’./Opinion.al
