Emigrantët që kaluan festat e fundvitit në atdhe kanë nisur të kthehen në Greqi përmes pikave kufitare.
Gjatë 24 orëve të fundit kanë dalë nga dogana shqiptare në Kapshticë 6925 qytetarë dhe kanë hyrë nga Greqia 2978 persona.
Fluksi i lartë i mjeteve në dalje është menaxhuar pa vonesa nga policitë kufitare të të dy vendeve.
Pala shqiptare ka hapur 5 sportele në dalje, 2 prej të cilëve përpunojnë dokumentacionin e udhëtarëve të autobusëve, ndërsa dogana greke punon me 3 sportele në dalje.
Pritet që fluksi i udhëtarëve të mbetet i lartë edhe në ditët në vazhdim në këtë pikë kufitare.
Por ndryshe paraqitet situata në Kakavijë. Atje radhët e makinave janë të gjata.
Pala greke është duke punuar vetëm me 2 sportele duke krijuar në këtë mënyrë vonesa. Sa i përket palës shqiptare, punohet me kapacitete të plota./tvklan
