Emergjencat civile kanë vijuar punën për shuarjen e flakëve të rëna në katër qarqe të vendit ku regjistrohen 8 vatra të reja zjarri.
Vlora, Durrësi, Dibra, Lezha dhe Korça janë zonat ku ende vijojnë të shkrumbohen hektarë me pyje. Vatrat e zjarrit ndërmjet Lekasit dhe Voskopojës, kanë vazhduar të jenë aktive dhe kanë përfshirë një territor me pisha të larta dhe në terren tepër të thyer.
Në operacion është përfshirë dhe helikopter i kompanisë VIVA. Ndërkohë në fshatin Taç i Sipërm, qarku Korçë, nga flakët u dëmtuan pjesërisht 20 varre.
Në Lezhë zjarri i rënë pranë pyllit me pisha në fshatin Orosh, bashkia Mirditë, vazhdoi edhe ditën e djeshme por se tashmë është nën kontroll të plotë. Në fshatin Dohoshisht të Dibrës janë djegur 40 rrënjë qershi.
Zjarre kanë rënë dhe në 6 fshatra të qarkut Durrës ku janë djegur hektarë me shkurre. E njëjta situatë është dhe në Vlorë, ku pas ndërhyrjes së zjarrëfikësve flakët janë shuar, pasi kanë djegur katër hektarë me shkurre
