Ema Andrea e ftuar sot në emisionin “Thumb” të Fatmës dhe Aulonës i është përgjigjur disa pyetjeve nga moderatoret. Një ndër to ka qenë edhe ajo e ngacmimeve seksuale, duke qenë se Ema ka shumë vite eksperiencë në teatër dhe për hir të së vërtetës futet edhe te femrat simpatike. Ajo ka pohuar se është ngacmuar seksualisht, dhe madje edhe janë hakmarrë ndaj saj kur i ka refuzuar.
“Po po më kanë ngacmuar seksualisht, më kanë bërë oferta seksuale për të më marrë në punë, hapur fare më kanë joshur, kanë gjetur një mënyrë. Seks dhe dashuri bëj me kë zgjedh unë. A janë hakmarrë? Ah unë ja ku jam kam disa role dhe para më pak por sot i shoh në sy.
Janë hakmarrë se i kam refuzuar por sot i shoh në sy. Kërcënime seksuale, abuzime seksuale…kjo gjë nuk mund të bëhet mënyrë pune. Nuk e kanë fajin as femra as meshkujt, por sistemi.
Ai është momenti më i shëmtuar për një mashkull. Edhe nëse femra pranon nga nevoja, turpi i mbetet mashkullit. Padiskutim në Shqipëri ndodh.”,- është shprehur Andrea.
