Këngëtarja e njohur Elvana Gjata ka sjellë dje këngën më të re “Ku vajti”…për dashurinë e ka fjalën. Diva e muzikës shqiptare duket se është rikthyer fuqishëm në tregun shqiptar, pas një mungese të gjatë. Pas publikimit të albumit “3”, Elvana ka sjellë hitin e verës “Ku Vajti”, me një videoklip ndryshe nga ata që jemi mësuar të shohim në këtë stinë.
Nuk është në det, por Elvana së bashku me trupën e baletit të Albi Nakos, kanë sjellë një kërcim vërtet interesant në përputhje edhe me këngën. Një koreografi e vështirë për Elvanën që nuk është profesioniste në kërcim, mirëpo ajo ia ka dalë me sukses me disa rrëzime të vogla dhe thyerje në mes. Këngëtarja ka treguar përmes disa videove të publikuara në Instagram, vështirësitë që ka hasur për të sjellë një kërcim perfekt në videoklip.
