E ftuar në emisionin ‘Thumb’ të Fatmës dhe Aulonës, gazetarja Elona Duro është rrëfyer mbi shtatzëninë. Ajo tregoi se pritja e ëmbël ka qenë një ndër periudhat më të bukura të jetës së saj dhe që e ka shijuar jashtëzakonisht. Por ajo rrëfeu gjithashtu se ato muaj ka qenë koha e ofertave të mëdha.
Elona tha në emision se gjatë kohës që ishte shtatzënë, drejtuesit e Top Medias i kanë propozuar të moderonte “Wake Up-in” krahas Eno Popit. Ajo sqaroi se asokohe ata nuk e dinin që Elona ishte shtatzënë. Përveç kësaj, Elona e kishte ndarë mendjen t’i përkushtohej kujdesit të djalit. Kjo ishte edhe arsyeja e fortë pse ajo nuk mund të pranonte një ofertë të një përgjegjësie të tillë.
Gjatë intervistës, Elona tha se i kishin ardhur DY oferta të mira për të prezantuar programe të përmasave të mëdha.
“Nja dy oferta më të mira i pata kur isha shtatzënë. Drejtuesit e “Top Media” nuk e dinin që unë isha shtatzënë. Më propozuan programe të përmasave edhe më të mëdha dhe nuk u thoja dot “po” përsa kohë e kisha ndarë mendjen që do i fokusohesha shtatzënisë dhe vitit pas. Kanë qenë zhurmat për emisionin e mëngjesit, “Wake Up” me Enon,”– u shpreh Elona./E.L.
