Elia Zaharia ka konfirmuar ndarjen nga Princ Leka. Nëpërmjet një reagimi Zaharia thotë ka filluar procedurat ligjore të divorcit me konsensusin edhe të Princ Lekës.
Më tej, ajo shkruan se nuk do të kishte dashur që vajza e tyre të rritej me prindër të ndarë, por e shikon divorcin si rrugën e vetme.
Elia Zaharia shkruan se rëndësishme është që vajza e tyre ta përjetojë sa më lehtë divorcin e prindërve të saj.
“Miq dhe dashamirës, Më duhet tju komunikoj që sot filluam proçedurat ligjore për zgjidhjen e martesës, pasi vendosëm bashkërisht të kërkojmë zyrtarizmin e divorcit! Ky nuk është aspak një realitet që më lumturon, pasi besoj në vlerat e familjes si gjënë më të shtrenjtë! Kurrsesi nuk do kisha zgjedhur për vajzen time të rritej me prindër të ndarë, por ndonjëherë ndarja qenka e vetmja rrugëzgjidhje! Ajo ç’ka ka më shumë rëndësi, është që vogëlushja ime ta përjetojë këtë moment sa më lehtë të jetë e mundur! Ju falenderoj shumë të gjithëve ju që më keni shkruar e më keni dhënë kurajo! Pavarësisht këtyre muajve të vështirë që kam kaluar, dashamirësia juaj më ka dhënë forcë! Ju uroj shëndet e lumturi në familjet tuaja!”, shkruan ajo.
