Këngëtarja Elhaida Dani kohët e fundit ka udhëtuar me miqtë e saj drejt Indonezisë. Ajo ka publikuar foto dhe video nga ky udhëtim ku ka treguar se është argëtuar shumë. Megjithatë një komentues në Instagram ka bërë një koment për të cilin Elhaida është ndjerë e mërzitur dhe për këtë arsye i ka kthyer përgjigje. “Bëja qejfin sheikut se të paguan mirë. Të rroftë vizita”,-ka shkruar komentuesi.
Ndërkohë përgjigja e saj për komentuesin ka qenë e ashpër. “Bravo! Sipas teje një femër të udhëtojë dhe të paguajë për jetën e saj ka nevojë për sheik? Më vjen keq për ty! Familja ime më ka edukuar ndryshe. Ju lutem kemi nevojë të shohim jetën nga një tjetër perspektivë! Femrat s’kanë nevojë për ‘mashkullin me lek’ për të udhëtuar apo jetuar jetën e ëndrrave të tyre!”, – i është përgjigjur Elhaida. Aktualisht ajo është duke e vijuar jashtë shtetit karrierën e saj si këngëtare./Opinion.al/
