Jemi në luftë? Kjo është pyetja që ka marrë vëmendjen më të madhe të opinionit publik në vend, në lidhje me masat e rrepta të policisë shqiptare për ndeshjen Shqipëri-Izrael.
Kuqezinjtë do të zhvillojnë një ndeshje sonte në mbrëmje në stadimuin “Elbasan Arena” kundër skuadrës së Izraelit, e vlefshme për kualifikimet për Botëror.
Policia e Shteti ka angazhuar rreth 1/6 e gjithë kapacitetit që kemi si shtet, teksa do të jenë 2000 mijë forca policore të gatshme në Elbasan, ndërkohë që gjithsej janë rreth 12 mijë në total. Zëdhënësi i Policisë së Shtetit, Genti Mullai ka publikuar disa foto nga përgatitjet e sotme.
Gjatë gjithë ditës së sotme, forca të shumta të policisë, duke përfshirë edhe mjetet e rënda që ka në dispozicion Policia e Shtetit janë vendosur rreth stadiumit.
Alarmi për sulme të mundshme terroriste kanë ngritur në këmbë Ministrinë e Brendshme dhe Shërbimin Informativ Shtetëror.
