Policia ka shpallur në kërkim administratori i kompanisë për prodhimin e plastikës, në fabrikën e cila u përfshi nga flakët ditën e djeshme.
Zjarri përfshiu një fabrikë plastike në zonën e Metalurgjikut në Elbasan, duke shkaktuar dëme materiale dhe panik tek punonjësit.
Fillimisht u tha se shkaku i zjarrit ishte një shkëndijë elektrike.
Sipas uniformave blu në kërkim është shpallur shtetasi K.B.
”Komisariati i Policisë Elbasan referoi materialet në Prokurori dhe shpalli në kërkim shtetasin K. B., 54 vjeç, me detyrë administrator në një kompani për prodhimin e plastikës, pasi në fabrikën palstike, në fshatin Bradashesh, ka rënë zjarr dhe si pasojë e tymit të çliruar u shkaktua ndotje e ajrit”, njofton policia.
