Një 43-vjeçar,i cili kishte thyer masën e arrestit në shtëpi është arrestuar nga policia e Elbasanit, pasi dyshohet se shpërndante drogë në qytet.
Uniformat blu bëjnë me dije se në pranga ka rënë shtetasi me inicialet Xh.D banues në Elbasan.
Gjatë kontrollit në banesën e tij, policia gjeti dhe sekuestroi 525 gramë lëndë të dyshuar narkotike heroinë dhe 2 aparate celuare.
43-vjeçari ishte me masë sigurie “Arrest në shtëpi”, për veprën penale “Dhuna në familje”. Gjithashtu ka qenë i dënuar më parë, për veprën penale “Mbajtja pa leje e armëve luftarake dhe e municionit”.
Ndërkohë, vijon puna për identifikimin e personave të tjerë të impikuar në këtë veprimtari kriminale, ndërsa materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme./Opinion.al
