Një 64-vjeçar ka humbur jetën ditën e sotme në fshatin Shushicë në Elbasan.
Sipas uniformave blu mësohet se i moshuari ishte duke sistemuar disa materiale ndërtimi, në banesën e pabanuar dhe të amortizuar, të kunatit të tij, në momentin kur është shembur një kolonë e banesës.
Si pasojë e incidentit 64-vjeçari është dëmtuar dhe ka humbur jetën.
“Elbasan/Informacion paraprak
Më datë 12.03.2024, rreth orës 16:10, në fshatin Shushicë, shtetasi F. F., 64 vjeç, gjatë kohës që ka qenë duke sistemuar disa materiale ndërtimi, në banesën e pabanuar dhe të amortizuar, në pronësi të kunatit të tij (burrit të motrës), është shembur një kolonë e banesës. Si pasojë 64-vjeçari është dëmtuar dhe ka humbur jetën”, njofton policia.
Grupi hetimor po punon për sqarimin e rrethanave të ngjarjes./Opinion.al
