Ditën e sotme është hapur spitali i parë rajonal në Elbasan për qytetarët e infektuar nga COVID-19.
Ministrja e Shëndetësisë, Ogerta Manastirliu, u shpreh se në Spitalin Rajonal të Elbasanit, tashmë “COVID5”, ndodhen 81 shtretër si dhe të gjitha pajisjet e nevojshme për të trajtuar personat e prekur nga koronavirusi.
“Pamë të gjithë pavionet anti-Covid. Janë të gjitha shërbimet për të trajtuar qytetarët e infektuar. Janë 81 shtretër, që kanë infrastrukturën dhe pajisjet e nevojshme, në funksion të të gjitha standardeve. Në skenarin tonë janë 5 spitale rajonale, që do të shërbejnë si spitale Covid, dhe që në total kanë 600 shtretër”,- tha ministrja Manastirliu./ Opinion.al
