Tre persona u vranë në prite në Elbasanm dy shqiptarë dhe nje shtetas i huaj. Nga deshmitarët në vendin e ngjarjes mesohet se tre makina kanë qenë duke udhëtuar në momentin kur atentatorët në Elbasan kanë nisur të qëllojnë me breshëri automatiku drejt makinës ku ndodheshin Endrit Alibej, Arben Dylgjeri si dhe shtetasi i huaj, i identifikuar si E.K.
Dy makinat e tjera që shoqëronin makinën ku vdiqën të tre personat kanë qenë familjarë e të afërm të viktimave, përfshi këtu rreth 5 gra dhe dy fëmijë të vegjël. Viktimat me lidhje farefisnore me njeri-tjetrin, kishin ardhur prej pak ditësh në Shqipëri për të festuar festat.
Këto janë detajet e fundit të ardhura në lidhje me masakrën e ndodhur në Elbasan, pranë lagjes “Katund i ri”.
Si pasojë e të shtënave me breshëri kallashnikovi, mbetën të vdekur Endrit Alibej, Arben Dylgjeri dhe një shtetas i huaj.
Policia dyshon se atentati i tipit mafioz ka ndodhur për shkak të pazareve të drogës.
Por kush është Endrit Alibej, 34 vjeçari i cili mbeti i vdekur këtë mbrëmje:
Në vitin 2013, Endrit Alibej dhe vëllai i tij janë arrestuar në Itali nën akuzën e drejtimit të një organizate kriminale e cila furnizonte me kokainë shteti fqinj. Madje asokohe në Itali, Endrit Alibej së bashku me të vëllanë kanë trafikuar një sasi prej dhjetëra kilogramësh drogë, në vlerë 10 milionë euro. 31 persona u arrestuan si pjesë e bandës ndërsa 14 ishin shqiptarë.
