Një ngjarje e rëndë u raportua mëngjesin e sotëm në Elbasan, ku një 24-vjeçar ka humbur jetën si pasojë e plagëve të marra pas shpërthimit të lëndës plasëse, e cila dyshohet tritol.
Sipas policisë, i riu ka tentuar që lëndën plasëse ta vendosë në një makinë, por i ka shpërthyer në duar. Ndërsa bëhet me dije se shënjestër e këtij atentati do të ishte shtetasi Renato Çepa.
“Rreth orës 04:10, në lagjen “Shënkoll”, dyshohet se një shtetas rreth 24 vjeç, duke vendosur lëndë eksplozive në automjetin tip “Volkswagen”, në pronësi të shtetasit R. Ç., lënda eksplozive ka shpërthyer dhe për pasojë 24 vjeçari është dëmtuar dhe transportuar në spital. Si pasojë e plagëve të marra 24-vjeçari ka humbur jetën në spital.
Është ngritur një grup i posaçëm hetimor me specialistë për Hetimin e Krimeve të Rënda të Drejtorisë Vendore të Policisë Elbasan dhe Departamentit të Policisë Kriminale në drejtimin e Prokurorisë, vijojnë punën për zbardhjen e ngjarjes”,-njoftoi policia e Elbasanit.
