Katër ish-oficerë të inteligjencës janë dënuar me burg nga një Gjykatë në Serbi.
Ata akuzohen për vrasjen e gazetarit Sllavko Quruvija, në vitin 1999. Quruvija një kritik ndaj regjimit të Sllobodan Millosheviçit, ishte pronari dhe kryeredaktori i dy gazetave të pavarura.
Quruvija u qëllua jashtë banesës së tij më 11 prill 1999, pak ditë pas fillimit të fushatës së bombardimeve të NATO-s, që ndali luftën e Serbisë në Kosovë.
Gjykata në Beograd dënoi me nga 30 vjet burg ish-kreun e sigurimit shtetëror, Rade Markoviç, dhe ish-udhëheqësin e inteligjencës në Beograd, Millan Radonjiç.
Po ashtu, ish-kreu i sigurimit serb aktualisht është duke kryer dënimin prej 40 vitesh burg për vrasje të tjera politike.
Gjithashtu, në lidhje me vrasjen e gazetarit, Gjykata dënoi me nga 20 vjet edhe dy ish-zyrtarë të inteligjencës, Ratko Romiç dhe Mirosllav Kurak.
Kurak nuk është dënuar në munges, pasi prej vitesh ndodhet në arrati. Ndërkohë, REL shkruan se familja e Quruvijës e ka akuzuar Millosheviçin për urdhërimin e vrasjes./ Opinion.al E.Xh.
