Një shqiptar është gjetur i ekzekutuar me armë zjarri brenda automjetit të tij në Totana të Spanjës.
Sipas mediave spanjolle, shqiptari është ekzekutuar një javë më parë, por trupi i tij u gjet nga banorët e zonës në datën 27 mars.
Nga hetimet e kryera rezulton që plagët shqiptarit të vrarë janë shkaktuar nga plumbat. Automjeti i shqiptarit të vrarë ishte parkuar pranë një lumi.
Shqiptari ishte qëlluar me armë zjarri në kokë, duke i shkaktuar vdekjen e menjëhershme të tij. Policia ka mundur të identifikojë personin me origjinë shqiptare, por nuk ka bërë publik identitetin e tij.
Hetuesit spanjollë kanë mësuar se viktima ishte me banim në Mazarron dhe kishte punuar disa kohë më parë në lokalet e natës, ndërsa së fundmi punonte si truprojë. Në fakt, zhdukja e shqiptarit të vrarë ishte denoncuar në polici të hënën e kaluar.
Autoritetet spanjolle dyshojnë se vrasja e shqiptarit ka ardhur për shkak të prishjes së pazareve të drogës. Një tjetër pistë është dhe konflikti i tij me ndonjë nga truprojat e një lokali të natës në atë zonë.
Deri më tani ende nuk është zbuluar nëse shqiptari u qëllua me armë në venin që u gjetë, apo është ekzekutura në një vend tjetër dhe më pas u transportua pranë lumit Guadalentin/ opinion.al E. Xh.
