Vrasja e Kastriot Reçit ka tronditur ditën e sotme qytetin e Rrëshenit. Ai u qëllua me armë zjarri në mes të qytetit.
Fillimisht u raportua se viktima ishte pronar i një televizioni lokal në Lezhë, “Media plus-tv”.
Por pas kësaj ngjarjeje ka reaguar edhe Autoriteti i Mediave Audiovizive. Në një sqarim për mediat, AMA ka theksuar se Reçi nuk ka qenë pronar televizioni.
“AMA në përgjigje të interesit publik, sqaron se shtetasi Kastriot Reçi nuk rezulton të jetë pronar i asnjë televizioni apo subjekti tjetër. Kastriot Reçi ka qenë ortak i televizionit “M+”, të cilit i është hequr licenca me vendim Bordi të AMA-s në vitin 2018”. /Opinion.al
