Detaje të reja janë zbardhur lidhur me vrasjen e recepsionistit Eraldo Novruzit, nga bashkëpronari i një hoteli në Dhërmi, Gerald Shehu.
Mësohet se ky i fundit pasi kreu krimin, së bashku me dy punonjës të tjetër të hotelit, Daniel Qose dhe David Larti, kanë larguar trupin nga vendi i ngjarjes. Të tre personat e përfshirë në krim janë arrestuar nga policia, dy punonjësit kanë deklaruar se janë detyruar nga vrasësi që ta ndihmonin.
Gerald Shehu është përpjekur që të fsheh gjurmët e krimit, ai ka djegur sendet dhe rrobat e Eraldo Novruzit në furrën e picave.
Kjo konfirmon pistën se autori e kishte menduar ngjarjen. Nga policia konfirmohet tashme gjetja e trupit të pajetë të 31 vjeçarit Novruzi ndërsa kërkimet janë intensifikuar mëngjesin e së premtes, ku në terren kanë qenë 9 grupe kërkimi. Nga toka, ajri me dron apo edhe nga deti. Trupi është gjetur pranë përroit të Gjipesë në Vuno, në një zonë te quajtur edhe si gurore.
