Policia e Kosovës dhe zyrtarë të Qendrës për Punë Sociale kanë shkuar sot te familja e ish-bashkëshortit të Liridona Ademajt, Naim Murselit.
Në fotografitë e siguruara nga Klankosova.tv, shfaqet një automjet policie përpara shtëpisë së Naim Murselit, i cili mbrëmë u arrestua bashkë me dy persona të tjerë, teksa nuk dihet arsyeja e kësaj vizite.
Murseli dhe personi që dyshohet të jetë vrasësi i Liridona Ademajt u arrestuan mbrëmë nga policia, pak orë pas varrimit të të ndjerës.
Policia mbrëmë bastisi dy lokacione në Gjakovë, ku u bë e ditur se është konfiskuar arma me të cilën dyshohet se u krye krimi.
Ndërsa, vetëm pak orë pas arrestimit të Murselit dhe të ekzekutorit policia arrestoi edhe personin e tretë me iniciale K.K., që dyshohet të jetë i përfshirë në ngjarjen tragjike.
Liridona Ademaj u vra tri ditë më parë në Prishtinë në makinë ku bashkë me të ishin fëmijët dhe burri i saj, Naim Murseli.
