Një atentat ka ndodhur pasditen e kësaj të mërkure në Athinë.
Nga raportimet e mediave vendase, mësohet se ngjarja ka ndodhur në rrugën Ymittou në Vrilissia të Greqisë.
Viktima, një emer i njohur për autoritetet e policisë greke, është ekzekutuar ndërsa ecte. Disa persona kanë qëlluar në drejtim të tij ndërkohë që zona është e rrethuar nga policia. Nga të dhënat e para dyshohet për larje hesapesh.
Viktima ishte duke lëvizur në rrugën Ymittou rreth orës 3:20 pasdite kur iu afrua një makinë, prej të cilës erdhën edhe plumbat.
Në vendin e vrasjes ka shkuar një ekzaminues mjekësor si dhe grupi hetimor për të zbardhur shkaqet e plota të ngjarjes./Opinion.al
