Një 29-vjeçar shqiptar i arratisur në Kroaci është ekstraduar drejt Shqipërisë.
Sipas policisë 29-vjeçari me iniciale P.P ishte shpallur person në kërkim ndërkombëtar, për kryerjen e veprave penale “Dhënie ndihmë për kalim të paligjshëm të kufirit” dhe “Vjedhja me dhunë”.
Në nëntor të vitit 2018 Gjykata e Shkodrës kishte vendosur masën e sigurisë “Arrest në burg” për 29-vjeçarin pasi ndihmonte shtetas të huaj për të kaluar në mënyrë të paligjshme nga Shqipëria në Malin e Zi, duke pasur si destinacion vendet e Evropës Perëndimore.
Në shtator të vitit 2018 blutë mundën të konstatojnë 6 persona nga Pakistani, të cilët synonin të kalonin në Malin e Zi, të ndihmuar nga 29-vjeçari P. P., i cili pasi i kishte afruar në kufi me Malin e Zi u kishte marrë nëpërmjet kanosjes 720 euro, 2 telefona celularë, si dhe 6 çanta ku mbanin dokumentet e tyre.
Si rezultat i shkëmbimit të informacionit në kohë me Interpol Tirana dhe Policinë kroate u bë e mundur kapja e këtij personi me qëllim ekstradimin drejt vendit tonë./Opinion.al/
