Ministrja e serbe e Drejtësisë, Nela Kuburoviç, ka folur sot për çështjen e ekstradimit të Ismail (Ballist) Morinës në Beograd. Ajo deklaroi sot për mediat se gjykatat serbe “mund të sigurojnë gjykim të drejtë dhe të paanshëm” për Ismail Morinën, ekstradimin e të cilit nga Kroacia po e kërkon Serbia.
“Sa i përket kësaj çështje, duhet pritur vendimin e ministrit të Drejtësisë së Kroacisë, por besoj se kolegu do të sillet siç duhet me vendimet e plotfuqishme dhe se Morina do të ekstradohet në Serbi, në mënyrë që të mund të kryhet procedura penale, e cila ka nisur para Gjykatës së lartë në Beograd”, tha Kuburoviç për Tanjug.
