Presidentja e Kosovës, Vjosa Osmani ka marrë pjesë ditën e sotme në ekspozitën e çelur në ambjentet e Presidencës, në ditën e shenjtërimit të Nënë Terezës.
Gjatë kësaj vizite, Osmani përcolli një mesazh në këtë ditë të shënuar ku vlerësoi rolin dhe kontributin e Nënë Terezës në mbarë botën.
Ajo thotë se kjo ekspozitë është një udhëtim në faqet e historisë të jetës së saj personale por edhe njerëzve në përgjithësi.
Osmani thekson se figurën e Nënë Terezës do të vazhdojnë ta ruajnë dhe trajtojnë si vlerë kombëtare për të gjithë shqiptarët kudo që jetojnë.
“Jam e nderuar që ndodhem këtu në ditën e Nënë Terezës, ekspozitë që prezantojnë një pjesë të dokumenteve nga jeta dhe vepra e Nënë Terezës.
Puna dhe përkushtimi saj vetëmohues në funksion të së mirës kanë lënë gjumë të pashlyeshme kudo në botë. Kjo ekspozitë është një udhëtim në faqet e historisë të jetës së saj personale por edhe njerëzve në përgjithësi, duke e ditur që ajo ishte e të gjithëve edhe për të gjithë, tash e saj vijon të frymëzojë miliona njerëz në mbarë globin. Këto dokumente dëshmojnë se Nënë Tereza nuk bëri vepra për bujë, por bëri bujë me vepra.
Vepra e saj karakterizohet me angazhim të pashoq për të mirën e njerëzimit. Kjo trashëgimi është jo vetëm në funksion të kujdesit ndaj veprimtarisë së saj por edhe një testament për brezat që vijnë. Ajo na mësoi se mirësia dhe veprat e mira kanë fuqi të madhe për ta transformuar jetën e njerëzve. Trashëgimia e saj është një kujtesë e fuqisë së dashurisë dhe shpirtit human, figurën e Nënë Terezës ne do ta vazhdojmë ta ruajmë dhe trajtojmë si vlerë kombëtare për të gjithë shqiptarët kudo që jetojnë. Këto dokumente janë një dedikimi vogël për punën e madhe të saj.
Siç thoshte Nënë Tereza:
“Me gjak, unë jam shqiptare. Me shtetësi, jam indiane. Me besim, unë jam një murgeshë Katolike. Sipas profesionit tim, unë i përkas botës. Për nga zemra ime, unë i përkas plotësisht Zemrës së Jezusit”.
E kujtofshim përjetë Nënë Terezën tonë”, tha Osmani./Opinion.al
