Policia ka reaguar në lidhje me ngjarjen e ndodhur mbrëmjen e djeshme në Durrës, ku u gjet një sasi eksplozivi në zonën e Velierës.
Sipas uniformave blu mësohet se forcat xheniere kryen shpërthim të komanduar të lëndës plasëse, e cila nga të dhënat e policisë bëhet e ditur se ishte e lidhur me një celular të ngjitur me natriban.
“Durrës/Më datë 20.05.2025, rreth orës 22:30, në lagjen nr. 1, në vendin e quajtur “Veliera”, është konstatuar një pako me lëndë të dyshuar plasëse.
Menjëherë pas marrjes së njoftimit, shërbimet e Policisë shkuan në adresën e dhënë dhe vendosën perimetrin e sigurisë, ndërsa njësia antieksploziv e RENEA-s kreu veprimet për çaktivizimin e pakos me lëndë plasëse që ishte lidhur me një celular të ngjitur me natriban.
Grupi hetimor, në drejtimin e Prokurorisë, po punon për zbardhjen e rrethanave të rastit, identifikimin dhe kapjen e autorit/ve”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme./Opinion.al
