Eksperti Arianit Shehu thotë se Izraeli u gjend i papërgatitur nga sulmi i befasishëm me raketa nga grupi palestinez i Hamasit.
Në një lidhje me “Skype” për emisionin “Opinion”, Shehu tha se inteligjenca izraelite mund të mos i ketë dhënë rëndësinë e duhur informacioneve.
“Qeveria është nën presion për çka shihet si reagim i dështuar ndaj këtij sulmi të Hamasit.
Analizat do ndodhin pas një kohe pas neutralizimit të rrezikut. Debati mbi dështimin apo jo të inteligjencës ka filluar. Do gjenden rrugë dhe metoda për përmirësimin e çfarëdo aparatit të sigurimit. Sulmet izraelite bëhen kundrejt caqeve të Hamasit në Gaza. Sulmet ndaj objekteve civile paralajmërohen, lëshojnë një bombë të vogël që paralajmërom banorët e asaj ndërtese që të largohen. Jepet 34 minuta dhe pastaj vjen sulmi që lidhet drejtpërdrejt si pjesë e infrastrukturës së Hamasit. Nuk jam i sigurt që s’kanë patur informacion, jam i sigurt që ai informacion nuk është trajtuar si duhet”.
Sa i përket sistemit anti-ajror të Izraelit, eksperti mendon se mund të mos ketë përballuar dot numrin e lartë të raketave të lëshuara njëkohësisht.
“Është hera e parë që një sistem i tillë, mbulesa e hekurt ajror, është testuar. Efikasiteti i një sistemi të tillë duket që nuk e ka marrë parasysh intensitetin. Çështja që duhet të shihet është parametrat e efikasitetit në aspektin e numrit të raketave, intensitetit të raketave që vijnë. Hamasi është mjaft i fuqishëm, kontrollon gjithë Rripin e Gazës. Hamasi është grup suni dhe është shumë e veçantë, në Lindje të Mesme është një nga grupet e veçanta që është i përkahur nga regjimi i Iranit”.
