Presidenti i Republikës, Bujar Nishani i ka dhënë dekoratën e lartë “Nderi i Kombit” për qytetin e Kukësit dhe kuksianët, për kontributin e dhënë për shqiptarët e Kosovës gjatë eksodit dhe luftës së vitit 1999.
Kreu i shtetit e cilëson unike dhe të papërsëritshme pritjen që kuksianët u bënë kosovarëve.
“Mikpritja është pasuria që trashëguan shqiptarët. Ju sfiduat edhe skeptikët e kohës, meritoni të viheni në piedestal”- iu drejtua presidenti, kuksianëve.
Medalja është dhënë me motivacionin: “Për solidaritetin, mikpritjen e rrallë dhe humanizmin e pashoq të treguar ndaj motrave e vëllezërve shqiptarë nga Kosova, gjatë shpërnguljes se tyre masive me dhunë nga makineria ushtarake e Millosheviçit në vitin 1999”.
