Më 5 nëntor, “Opinion” hyri brenda rrethimit të kampit të Gjadrit, në Lezhë.
Kampi i refugjatëve në Gjadër, produkt i drejtpërdrejtë i marrëveshjes Meloni-Rama ka qenë ndër çështjet më të diskutuara në Shqipëri përgjatë vitit të fundit. Ka qenë i diskutuar për arsye të debatit në Itali, kontestimit në Shqipëri, dërgimit në Gjykatën Kushtetuese por njëkohësisht edhe për faktin nëse po ndërtohej apo jo dhe sa kohë do të merrte. Kamera e emisionit “Opinion” bëhet kamera e parë që hyn në brendësi të kampit të Gjadrit, e shoqëruar nga ambasadori italian. Fabrizio Buzzi i cili ishte një mikpritës për të shoqëruar Blendi Fevziun në 70.000 metra katrorë me një infrastrukturë të jashtëzakonshme dhe një spital e burg. Çfarë është kampi i Gjadrit, çfarë ka brenda tij?
Në pjesën e dytë të emisionit u transmetua një reportazh për jahtin më të madh në botë, 99.5 metra, Carinthia 7 ka qenë në Durrës gjatë verës. Është një prej jahteve më të shtrenjtë të botës me një çmim rreth 180 milionë euro. Vajza që e menaxhon dhe e administron është një shqiptare, Silva Dedja që prezanton ambientet e brendshme të jahtit.
Në pjesën e tretë të emisionit “Opinion” Marko Kepi, presidenti i Rrënjëve Shqiptare kandidon në këshillin bashkiak të Nju-Jorkut dhe kërkon votën e shqiptarëve në datën 5 për të qenë në senatin e Nju-Jorkut.
