Konsulli i Shqipërisë në Francë, Fatjon Peni në një intervistë telefonike për Opinion.al ka bërë me dije se gjëndja në vend, pas sulmeve të mbrëmshme në Nise, është tepër e rëndë dhe e gjithë Franca është nën terror.
Peni theksoi se mes 84 viktimave që humbën jetën në lungomaren e Nises dhe qindra personave të plagosur, deri në këto çaste, nuk dëshmohet se ka ndonjë shtetas shqiptar të plagosur.
Opinion.al në orët e vona të natës, transmetoi një video nga vendi i ngjarjes, ku mes ulërimave të panikut dëgjoheshin edhe disa zëra shqiptarë.
Mesditën e sotme, Opinion.al arriti të intervistojë shtetasen shqiptare, Alma Rama, që krejt rastësisht u gjend në mesin e asaj tragjedie, bashkë me dy motrat dhe nënën e saj, por që fatmirësisht shpëtoi për mrekulli.
Mes 84 viktimave dhe qindra të plagosurve në masakrën e Nisës, 10 prej tyre ishin fëmijë.
