Kavaja është beteja e PS dhe PD pas dështimit të negociatave për gjetjen e një zgjidhje për daljen nga kriza. Partia Demokratike ka thirrur një marshim mbarëpopullor ditën e dielë kur kavajësit dalin në votime për të zgjedhur kryetarin e bashkisë. I vetëm në listë është Klodian Shehi i PS-së. Basha ka paralajmëruar se në Kavajë bie qeveria ose siç e quan ai “republika e vjetër”.
Por “ndeshja” fillon më herët…
Pasditen e sotme (e premte) Partia Socialiste ka njoftuar se do të organizojë një miting përmbyllës të fushatës. Burimet thanë se atje do të jetë kryetari Edi Rama.
Burimet të Opinion.al thanë se pasditen e sotme në Kavajë do të jetë edhe kryetari i PD-së, Lulzim Basha. “Do të jetë një takim i mbyllur me strukturat e partisë që do të zhvillohet rreth orës 19:00”, thanë burime të sigurta për Opinion.al.
