Një incident ajror ka ndodhur paraditen e sotme kur një avion i postës italiane “Mistral air” i kontraktuar nga kompania “Blu Panorama” ka marrë flakë në ajër. Fatmirësisht të gjithë pasagjerët, rreth 100 vetë kanë shpëtuar, por ata kanë përjetuar momente tmerri. Njëri prej tyre ka rrëfyer ngjarjen për Opinion.al
“Vetëm 15 minuta pasi jemi nisur nga aeroporti i Ankonës konstatuam erë të djegur në bordin e avionit. Biletat i kishim prerë me Blu Panorama, por avioni ishte i Ernest Fly, pasi Blu Panorama operon me këtë kompani. Ekuipazhi na informoi se kemi probleme, dhe se flaka kishte rënë në kabinë, ndaj duhet të kthehemi. Në aeroport na kanë pritur zjarrëfikëset. Mes pasagjerëve kishte tension të madh, disa filluan të qanin”, dëshmon një prej pasagjerëve. Avioni ishte nisur nga aeroporti i Ankonës me destinacion Tiranën. Ai ka bërë ulje emergjente sërish në Ankona. /Opinion.al
