nga Suada Daci
Ajo ka spikatur që në daljet e para televizive, sepse është stil, e veçantë… është Era. Këngëtarja shqiptare, është e para artiste e cila e ka nisur karrierën në trojet shqipfolëse dhe nuk kaloi shumë kohë kur labeli “Ultra Music”, i bëri një ofertë për të qenë pjesë e tij.
Ishte super hiti “BonBon” ai që e bëri Erën të suksesshme në arenën ndërkombëtare dhe që vazhdon të pushtojë mediat sociale, duke u kthyer në kërcim por edhe në kopje për shumë këngëtarë në botë.
Suksesi më i fundit i këngëtares shqiptare ishte pjesëmarrja në emisionin “Schlag den Star” në kanalin gjerman Pro7, ku moderatori e ka cilësuar Erën si Rihannën dhe këngën “Bon Bon” si një nga 10 këngët më të dëgjuara në Gjermani.
Por si u ndje Era gjatë kësaj performance të parë jashtë trojeve shqiptare dhe në një media të huaj?!
“U ndjeva shumë mirë, por do të të gënjeja në rast se do të thoja që nuk isha e emocionuar. Ndonëse kisha vetëm tre ditë kohë për tu përgatitur, mendoj se realizuam dicka të mirë me balerinat”, tregon për Opinion.al këngëtarja Istrefi.
Por a e dini se cili ishte momenti më emocionues? Kur moderatori tha “faleminderit”… Nuk ka gjë më të bukur se të dëgjosh gjuhën tënde në një shtet dhe televizon të huaj”.
E pyetur se cilat janë projektet e ardhshme ajo shprehet, “muzikë dhe vetëm muzikë” gjëra të bukura na presin.
Era Istrefi ka preferuar gjithnjë të flas pak në media. Edhe në fillimet e karrierës së saj (ku çdo kush kërkon të njihet) Era nuk dha intervista pa realizuar së paku tre këngë…
E tani kur kanë kaluar dy vjet ku ajo u bë e njohur në showbiz, është suksesi ai që po flet për të. Go Era!
Falemderit krejt’ve qe mkeni prite sonte! Thanks to everyone ëho helped me make this happen #team ! Love you all my lovers #supporters ? Thank you! A photo posted by Era Istrefi (@strefie) on
