Emisioni investigative STOP në Tv Klan, denoncoi mbrëmjen e djeshme rastin e një dhunë të pashoqe të ushtruar nga një mësuese e lëndës së Vizatimit në Shkollën 9-Vjeçare “Ramazan Jarani” në Tiranë. Filmim I cili ngjalli edhe indinjatën e shumë lexuesve, të cilët në portale zbrazën të gjithë zemëratën e tyre ndaj mësueses. Por kjo ishte vetëm një pjesë e asaj që ne pamë dhe lexuam nëpër komentet e shumta. Pasi një hulumtim i bërë nga Opinion.al nxorri në pah edhe anën tjetër të medaljes, atë që ne nuk e shikojmë dot nëpërmjet filmimeve. Si sillen nxënësit me mësuesit? Dhe për ta treguar se çfarë konsiderate kanë nxënësit për mësuesit e tyre ne po ju sjellim komunikimin e tyre të menjëhershëm pas publikimit të videos së ushtrimit të dhunës nga mësuesja. Janë vetë nxënësit e kësaj mësuese që siç do të lexoni edhe në printscrean-et e siguruara nga Opinion.al, e quajnë mësuesen e tyre “prostitutë”, për të mos folur për epitete të tjera dhe se si ia kanë futur edhe në shpullë. Por për më shumë lexoni vetë se çfarë shkruajnë nxënësit e klasës së pestë në shkollën “Ramazan Jarani” vetëm pak minuta pasi panë në televizionin Klan, mësuesen e tyre teksa rrihte shokun e tyre të klasës.
