Ekspertët e ekonomisë, duke komentuar raportin e Fondit Monetar Ndërkombëtar, kanë thënë se politikat fiskale të ndjekura të deri tani, kanë dhënë mesazhe negative në ekonomi dhe nëse vazhdohet më këtë frymë situata mund të rëndohet.
Në emisionin “Byro Politike”, Adrian Civici ka thënë se FMN vendosi disa vija të kuqe në financat shqiptare siç është stabiliteti i politikave fiskale dhe pasja e një vizioni të qartë për qëllimin që bëhen, të cilat nuk duhet të tejkalohen.
“Mesazhi i FMN ishte që disa gjëra kanë avancuar, rritja ekonomike në këto nivele është pozitive, por fenomene të reja apo të përsëritura, siç është mungesa e stabilitetit të politikave fiskale, jo vetëm që nuk duhet të agravohen apo thellohen, por i duhet rikthyer edhe një herë një analize, për t’i bërë ashtu si duhet dhe më transparente”, ka thënë Civici.
Ekspertët e ekonomisë kanë sqaruar se raporti i fundit i FMN dha një mesazh të qartë për qeverinë shqiptare, ku duhet bërë kujdes sidomos ndaj borxhit publik./Opinion.al
