Drejtuesit e klubit Klan Juvenil në Ekuador kanë pushuar nga puna gjithë lojtarët, pasi këta të fundit kanë kërkuar rrogat e prapambetura.
Klan Juvenil luante në këtë fundjavë derbin kundër Liga De Kuito, në elitën e futbollit ekuadorian. Kush priste një ndeshje të fortë u gabua, pasi Liga De Kuito fitoi me rezultatin e pastër 5-0. Arsyeja ishte e thjeshtë, përballë gjendej ekipi i të rinjve i Klan Juvenil.
Lojtarët e ekipit të parë kishin katër muaj pa u paguar dhe në fund kishin bojkotuar stërvitjen e të premtes në shenjë proteste. Klubi, jo vetëm vendosi menjëherë t’i pushonte të gjithë nga puna, por i ka ndaluar atyre edhe hyrjen në stadium, duke mos i lejuar as të ndjekin ndeshjet e skuadrës ku kishin dhënë kontributin e tyre deri pak ditë më parë./Panorama Sport
