Ashtu sikurse ishte theksuar vazhdimisht për këtë edicion të spektaklit “Big Brother” prania e çifteve konkurruese do të ishte një risi e këtij viti, çifti i parë që ka prekur shtëpinë ka qenë Ejona dhe Ademi me origjinë nga Berati.
Dy të rinjtë janë të ndjerë të surprizuar nga ambjentet e shtëpisë dhe Ejona nuk e ka fshehur entuziasmin e qëndrimit brenda saj, duke u shprehur se ishte si në ëndërr.
Në fakt Ejona duket se ka patur një jetë të vështirë dhe histori të dhimbshme. Për shkak të sëmundjeve të rënda humbi njëri pas tjetrit prindërit në moshën 3 dhe 8 vjeç. Ishte halla ajo që e rriti dhe i fali gjithë dashurinë. Në moshën 14 vjeçare, Ejona u diagnostikua me kancer, por pas shumë kimioterapive arriti ta mposhtë sëmundjen. Eshtë njohur me Ademin kur ishte vetëm 16 vjeçe dhe nga dashuria e tyre lindi një djalë, të cilin e kanë quajtur Artur si babai natyral i Jonës.
