Pas eksperiencës së gjatë me emisionet e saj të veçanta në televizionin rinor “In TV”, brunen tërheqëse Einxhel Shkira e dëgjojmë që nga vera në valët e radios “City Radio 88.0 fm”. Moderatorja, që e krahasojnë nga pamja me Monica Bellucci-n, pak ditë më parë festoi ditëlindjen në mënyrën më të bukur të mundshme, e rrethuar nga mikeshat e saj më të ngushta.
Në ditën e ditëlindjes ajo ndau me miqtë një status, ndërsa shkruante: “Ndihem e bekuar nga Zoti, jo vetëm që më ka dhënë jetë, por që më ka dhënë shëndet e që më ka krijuar kështu si jam sot. Ndihem mirë me veten kështu si jam, me këto që kam dhe s’do doja të isha askush tjetër, veç vetes sime. Por bekimi më i madh që kam prej tij janë njerëzit që më rrethojnë, janë familja ime, shoqëria ime, janë kolegët e punës, janë miqtë e mi dhe gjithë ata që më ndjekin e më duan. Kam kaluar një ditëlindje të mrekullueshme, falë mikeshave të mia, me të cilat jam rritur, e sot e shohim veten më të mëdha dhe më të pjekura, por kurrsesi “boring”.
Pyetjes nga gazeta “Panorama” nëse po planifikon rikthimin në ekran me ndonjë emision të sajin, ajo i përgjigjet: “Paralelisht me angazhimet e mia me emisionin në radio, dhe me intervistat për ‘Electronicbeats’ në ‘City TV’, po përgatis dhe një projekt televiziv që besoj se do të jetë për vitin që vjen, 2017. Nuk është se mund të jap shumë detaje për programin, por është një format i parealizuar më parë te ne dhe ndryshe nga çdo emision që kemi parë.
Ndoshta është pak i ngjashëm me programet “reality”, sepse s’do të jetë në studio as me skenar. as me impostime apo me të ftuar. Sa për ekranin ku do të transmetohet ky emision ajo thotë se ende nuk janë mbyllur negociatat. pasi varet se ku do të përshtatet më mirë si produksion. Për momentin projekti është në duart e “Triangle Media Production”, ndërkohë që një gjë është e sigurt. që do të jetë shumë real. pra pa impostime. Kamera do të jetë “on” gjatë gjithë kohës, ngjarjet s’do të zhvillohen në studio por në terren.
Einxhel Shkira, prezantuesja që u rendit në toplistën e 100 femrave më seksi pranë futbollistëve në “Euro 2016”, intervistoi këngëtaren Bebe Rexha, pak para koncertit që ajo mbajti në Tiranë./panorama
