Eduard Selami, një nga kandidatët për kryetar të Partisë Demokratike, në një dalje të fundit publike u shpreh se i ka kërkuar z. Basha shtyrjen e zgjedhjeve të garës për kryetar të Partisë Demokratike nga 22 korrik kur është vendosur për në muajin shtator.
“U takova me zotin Basha për të pasur një garë sa më të ndershme. Kjo është një garë brenda familjes. Kam kohë që kam mbajtur një qëndrim ndaj z. Basha, duke i theksuar se ky është një model i kapërcyer. I sugjerova z. Basha në takimin tonë që data 22 është shumë e afërt për tu përgatitur, ndaj i kërkova që kjo datë të zhvendosej në fillimin e muajit shtator. Por z. Basha më tha që kjo është kompetencë e komisionit organizator. Po të isha si z. Basha unë do kisha dhënë dorëheqjen. Unë kam kërkuar shtyrjen dhe le tja lejmë grupit organizator vendimin”, tha Selami.
