Edinson Cavani beson se po përjeton periudhën më të vështirë të karrierës së tij.
Të paktën kjo është deklarata që sulmuesi uruguaian i PSGsë ka bërë në një intervistë ekskluzive të dhënë për “telefoot”, e cila do të transmetohet të dielën në televizionet franceze.
Ankesat e sulmuesit uruguaian nuk janë të rralla për shtypin francez.
Ndikuar nga Ibra dhe Di Maria, performanca e Cavanit ka rënë ndjeshëm te PSG.
Që nga mbërritja e tij në Paris, në vitin 2013, Cavani është ankuar shpesh në lidhje me pozicionimin e tij jo të preferuar në sulm, pasi qendra ka qenë gjithmonë e zënë nga Zlatan Ibrahimovic. Sulmuesi 29 vjeçar, gjatë këtij sezoni me PSG, ka luajtur 42 ndeshje në të gjitha kompeticionet dhe ka realizuar 19 gola.
Një sezon jo i artë për uruguaianin, koha në dispozicion të të cilit u reduktua pas shkëlqimit dhe ringritjes së argjentinasit Angel Di Maria.
