TIRANE- Edi Rama, që thirri në protestë qytetarët më 21 Janar 2011 flet sot në 5 vjetorin e kujtimit të 4 viktimave, demonstrues të pafajshëm. Përballë tij në një nga sallat e Kryeministrisë janë familjarët e viktimave.
Fjala e Kryeministrit Edi Rama
Kjo ditë, prania juaj këtu, mjaftojnë e teprojnë për të kuptuar se 21 janari është akti më ulërits i akuzës ndaj sistemit të korruptuar të drejtësisë. Nevoja më therëse e popullit për ta nxjerrë Shqipërinë nga koorporata e gjyqtarëve që pasurohen padrejtesisht.
Eshte nevoja për një reformë të vertetë, rrënjësore në drejtësi. Cdo politikan që nuk sheh tek familjet tuaja tek prindërit dhe jetimët e 21 janarit barrën e vet të detyrimit për ti hapur rrugë drejtësië nuk do reformën në drejtës. Cdo gjyqtar e prokuror që nuk ndjen sot peshën e vuajtjes suaj nuk do reformën në drejtësi.
Çdo njëri nga anëtarët e Gjykatës së Lartë që prej 2013 mban të varrosur dosjen e 21 janarit pa guxuar ta nxjerre në dritë është sot i akuzuar si fajtor për vuajtjen tuaj në kërkim të drejtësisë.
Fakti se dosja e 21 janarit është e vetmja dosje e pa gjykuar në Gjykatën e Lartë të Shqipërisë, ndërkohë që gjykata ka nsiur punë me dosje e 2014 del e tepron për të kuptuar se kush e ka kapur për fyti drejtësinë.
Krimi shtetëror i 21 Janarit ku u vranë pa gjyq 4 burra hyn ndër ato raste përmes të cilave historia u ka mësuar popujve se drejtësia vonon por nuk harron.
Gjyakata e Lartë e ka zakon të mbulojë patatet e nxehtë të drejtësisë nga hija e frikës që e ka përfshirë, por dosja e 21 janarin, një ditë ose një tjetër do të zbardhet.
Drejtësia do të bëjë drejtësi edhe për vrasësit edhe për rivrasësit, edhe për ata që vranë me plumba luftarakë por edhe për ata që shpikën në sallat e gjyqësore vrasje si gabim teknik.
Unë e di shumë mirë se plot shqiptarë të ndershëm janë të revoltuar dhe drejtojnë mbi mua gishtin e fajit sot.
Kjo sepse shpirti u ka ardhur në majë të hundës nga drejtësia e korrputuar. Më gjuajnë mua tradhtar për 21 Janarit.
Nuk kam asgjë me ta, ua marr vesh mirë sekëlldinë kur shohin sesi përgjejgësit bilbilojnë çdo ditë dhe pa pikë turpi kërkojnë llogari prej nesh prej kancerit që hapën në vend. Eshtë cinike dhe poshtëruese, e di mirë.
Por sot nuk jam kokëulur para jush dhe nuk shkoj kokëulur para përmendore të viktimave në Bulevard. Unë nuk e kam tradhtuar 21 Janarin sepse kemi punuar çdo ditë me përkushtim e atdhetari për të rilindur Shqipërinë e rrënuar nga autorët e 21 janarit.
Sepse kemi punuar çdo ditë për të rritur çdo ditë sigurinë e jetës dhe pronës. Duke rikthyer policinë në krye të detyrës.
