Pavarësisht tërmetit në qeveri, kreu i qeverisë, Edi Rama u shfaq i qetë në një takim me gra nga Lushnja.
Ai është ndalur në vendimin më të fundit të qeverisë, për mbylljen e kazinove dhe basteve, duke kaluar në falënderime të përveçme, mes të cilëve edhe për deputetin Erjon Braçe.
“Falenderoj padyshim Erjon Bracen, që e shohin të vogël dhe iu duket i lehtë për ta sulmuar, por nuk e dinë që kur të kthehet mbrapsht është 5 herë sa unë, më mirë të më sulmosh mua 5 herë se s’ka rrezik sesa ta sulmosh Erjonin 1 herë”– tha Rama.
Kryeministri rezervoi edhe një mesazh për opozitën.
“Janë të humbur me ne, nuk kanë shans të na mundin për një mije e një arsye që lidhen me njerëzit, nëse duhet të fitojnë duhet të fillojnë analizën nga vetja, jo ta hedhin fajin jashtë vetes dhe përtej kësaj ajo që na takon, vetëshkatërrimin e kanë zgjedhur vetë, ndërkohë që në rrugën e gjyqeve do ti cojmë me, do rrinë nëper dyert e gjyqeve për një kohë të gjatë dhe do japin lekët kokërr më kokërr për cdo shpifje, kur s’do provojnë dot që ajo që kanë thënë është e vërtetë dhe do paguajnë. Me lekët e mbledhura nga pagesat e tyre ne do ngremë fondin e edukimit në PS dhe ato para do ti cojmë te nxënësit e shkollave, në çerdhe e kopësht”– tha Rama.
