Kryeministri Rama ka dhënë një tjetër paralajmërim për ndërtuesit që shkelin ligjet, gjatë mbledhjes se Komitetit Kombëtar të Rindërtimit.
Sipas tij nëse ndërtuesit dhe arkitektet që nuk respektojnë lejet do të përfundojnë në burg. Për Ramën arkitektet duhet të kthehen në gardianë dhe të denoncojnë shkeljet që mund të vijnë nga ndërtuesit.
“Ndërtuesit që shkelin lejen e ndërtimit do të shkojnë në burg. Kur e ke lejen për 8 kate dhe i thonë hajde ma bëj 12, ata duhet të denoncojnë. Ata janë gardiani. Nuk mendohet që arkitekti të shkojë jashtë asaj që është vepra e tij. Duhet të ketë përgjegjësi individuale dhe të ketë pasoja penale dhe financiare. Gjitha jeta ka qenë kështu. Kjo ka qenë beteja ime e humbur, e kam humbur me shoqatat, me parlamentin kur isha kryetar bashkie,”-u shpreh ai.
Në fjalën e tij Rama theksoi se pallatet e dëmtuara që mund të riparohen do të riparohen pikërisht nga ata që i kanë ndërtua, në të kundërt do të shkojnë në burg.
“Pallatet e dëmtuara, që mund të riparohen, do të riparohen nga ata që i kanë ndërtuar. O do ti riparojnë vetë ose do shkojnë në burg, se nuk ka mundësi që të riparojmë pallate të cilat kanë shfaqur dëme të rikuperueshem sepse janë bërë gabime në realizim në zbatim. Edhe në këtë kategori ka jo pak pallate. Të vijnë ata që i kanë bërë dhe t’i riparojnë, ato që janë të riparueshëm”,-ka thënë Kryeministri./Opinion.al/
