Kryeministri i Shqipërisë, Edi Rama, ka treguar se përse ka refuzuar shpërthimin e armëve kimike në Shqipëri.
“Unë kam qenë i qartë që ditën e parë me partnerët amerikan, duke iu thënë që jemi të gatshëm, por i kam paralajmëruar për disa kushte. Ato nuk ishin as armë kimike, ishin lëndë kimike”, ka thënë Rama, në Zona e Debatit në Klan Kosova.
Rama ka thënë se partnerët amerikanë e kanë pranuar këtë pasi nuk ishin plotësuar kushtet.
“Si përfundim partnerët tanë e kanë pranuar këtë pasi ky aksion u bë i pamundur, jo për diçka tjetër, por se nuk u plotësuan kushtet”.
Kryeministri shqiptar është shprehur se ftesa për në Shtëpinë e Bardhë është emocionuese për të.
“Vizita në Shtëpinë e Bardhë nuk është diçka që ndodh çdo ditë. Kur kam marrë ftesën ka qenë emocionuese. Kam një raport personal me të që nga koha kur ai shpalli kandidaturën për president”.
Ai ka thënë se nuk e ka parë asnjëherë veten si përfaqësues i një vendi të vogël përballë ndonjë përfaqësues të një vendi të madh.
“Nuk është madhësia e vendeve që përcakton edhe biseden. Unë e kam parë veten të barabartë. Duhet respekti i domosdoshëm për veten”.
Ai e ka cilësuar veten si trajneri i futbollit, Jose Mourinho.
“Jam si Mourinho, kam gjithmonë të drejtë”.
