Në ditën e verës, kryeministri Rama i është shmangur aktiviteteve zyrtare. Burime jo zyrtare thanë për Opinion.al se Edi Rama ishte parashikuar të merrte pjesë në festimet në Tiranë dhe Elbasan.
Ai do të dilte me kryebashkiakun Veliaj në çeljen e aktiviteteve në orën 9 të mëngjesit, por Edi Rama nuk u shfaq. As në Tiranë dhe as në Elbasan. Të njëjtat burime theksojnë se kryeministri Rama ka pritur një delegacion nga Republika e Kinës mëngjesin e sotëm në zyrën e tij dhe më tej ai e ka anulluar axhendën e festimeve për ditën e verës.
Deri rreth mesditës ai ka qëndruar në zyrë, ndërsa mbetet e pashpjegueshme që Edi Rama që shfaqet thuajse çdo ditë në ekrane e televizione , sot ka zgjedhur të “fshihet”. Mbetet për t’u parë se cilat janë arsyet që e shmangën sot Edi Ramën nga festimet.
