Gjatë fjalës së tij, Sali Berisha nga protesta para Gjykatës së Lartë, ka paralajmëruar kryeministrin Edi Rama se nuk do të mund ta ndalë në misionin e tij.
Berisha thotë se Rama e di që nuk mund të bëjë pazare me të dhe se nuk i shet kurrë demokratët.
“Asnjë nga këto komisione nuk pranohej. Dërguam kërkesën për të hetuar Edi Ramën për aferën e tij më të turpshme të historisë. Funksionimin e tij me Mc Gonigal, Agron Nezën dhe Dorian Duçkën si grup i strukturuar kriminal.
Të gjitha i refuzoi dhe sot përpiqet të bëjë gjithçka që të zbusë, krimin, situatën që ia ka në gjykatën amerikane. Miqtë e mi, kjo diktaturë pati mbështetjen e plotë të armikut të egër të kombit shqiptar, George Soros.
Mos harroni kurrë, se pas çdo skandali Aleks Sorors publikon foto “with my brother” me Edi Ramën.
Jemi më të vendosur se kurrë, Shqipëria kurrë nuk do të jetë republikë e mafies, do të jetë vend i vullnetit të lirë të shqiptarëve. Vend i aspiratave europiane dhe euroatlantike të shqiptarëve.
Ne de facto asgjësuam parlamentin e drogës, nderim deputetëve të Partisë Demokratike.
Së bashku këto dy vite i bëmë një opozitë të vërtetë të Edi Ramës. Ai e di mire së e mua s’ka pazare, nuk shes kurrë demokratët unë.
Dhe çfarë i ngelet atij, i mbetej të më burgoste pas asnjë provë, asnjë fakt, mirëpo unë jam Sali Berisha, nuk mund të më pengojë mua në misionin tim drejt fitores. Edi Rama dhe ata që e mbështesin atë, u them këtu se kurrë Shqipëria nuk do të jetë pa opozitë.
Ne arritëm ti çjerrim çdo maskë, të tregojmë se ky ndan me ta të njëjtën mendësi, se urren pluralizmin po aq sa e urrenin ata, urren fjalën e lirë, po aq sa e urrente i ati.
Vetëm 200 metra është selia e krimit, selia e Partisë Socialiste, kreu i së cilës kërkon të zhdukë Partinë Demokratike”,-tha Berisha.
