Sot në mëngjes Ministri i Financave ka organizuar një bashkëbisedim me gazetarët për zhvillimet e fundit në ekonomi dhe si padashur i ka informuar që qeveria shqiptare po mendon të japë me koncesion mbledhjen e TVSH.
I menjëhershëm ka qenë reagimi i Reporter ku sipas informacioneve të marra është një Kompani nga Hong Kongu ajo që do ta realizojë këtë shërbim dhe ka bërë një ofertë të pakërkuar pranë qeverisë M.POS. (Lajmi i Reporter http://www.reporter.al/koncesion-i-ri-110-milione-euro-te-tatimet/)
Sipas një analize kompania M.POS është e specializuar për shërbimin e pagesave online të shërbimeve bankare. (http://www.hktdc.com/sourcing/hk_company_directory.htm?companyid=1X05UMAW&locale=en).
Ka shumë projekte të realizuara në sektorin bankar si dhe llotari. Ka degë në Australi, Amerikën Latine etj por nuk specifikon nëqoftëse ka kontrata me shtete për shërbimin e mbledhjes së TVSH, (http://www.mpos.net/company.html).
Për momentin informacionet janë të limituara por siç duket Ministria e Financave ka vendosur të testojë opinionin publik duke dhënë këto informacione, por sipas Zv. Ministrit të Financeve Beqiraj, koncesioni i ri pritet të mbartë kosto të investimit fillestar prej 9.57 milionë euro dhe kosto operative vjetore prej 8.2 milionë eurosh dhe kontrata koncesionare do të vijojë për dhjetë vjet. *http://www.mpos.net/our_solutions.php?id=14
