Zgjedhjet në Dibër kanë nisur në oren 07:00 me hapjen e qëndrave të votimit të cilat mbyllen në orën 19:00. Aty garojnë Muharrem Rama per PS dhe Sherefedin Shehu I PD-së. Ky I fundit sot nuk voton dot sepse prej vitesh jeton në Tiranë por kjo sipas tij nuk është aspak një problem.
Klima dhe raportimet e deritanishme flasin për një situatë e cila nuk është larg normalitetit për zgjedhjet që zhvillohen në Shqipëri. Ka pasur disa akuza për blerje votash, por kjo ka ndodhur kryesisht nga të dy anët e politikës. Një person mbështetës I së majtes u konfliktua me një kundershtar partiak para dy ditësh dhe përfundoi në spital. Aty u shfaq edhe kandidati I majte Muharrem Rama I cili e trajtoi nga ana mjeksore meqe ne profesionin e tij është mjek. Sigurisht një lëvizje që favorizonte votat në favor të tij. Një formë marketing elektoral.
Gjithsesi sot nuk kanë munguar rastet e fotografimit të votave duke I bërë ato të pavlefshme. Kjo ka qënë edhe një thirrje që u është bërë së fundmi komisionerëve dhe votuesve. Pasmesnata rezervoi edhe nje incident me deputetin demokrat Flamur Noka. Sipas policise ai nuk I ka ndaluar nje postblloku policie. “Eshtë e gjitha një shpifje. Nuk kam prekur me dorë asnjeri. Janë segmente kriminale brenda policisë që bëjnë sajesa”, tha Noka. /opinion.al/
