Një 44 vjeçar ka përfunduar në prangat e policisë së Tiranës, pasi qarkullonte i armatosur në zonën e Kombinatit. Shtetasi me iniciale G.T, u kap në rrugën “Konferenca e Pezës”, pasi ishte denoncuar nga qytetarët. Ai ishte dënuar më parë për vjedhje.
“Në numrin e emergjencave 112 qytetarët kanë njoftuar se në zonën e Kombinatit një shtetas lëvizte me armë. […] Në kushtet e flagrancës u bë arrestimi i shtetasit: T., 44 vjeç, banues në Tiranë (i dënuar më parë për veprat penale “Vjedhja” dhe “Prodhimi dhe mbajtja pa leje e armëve dhe municionit luftarak”)”, njofton policia./Opinion.al
